منتدى خاص بشباب قرية النصارية أهداء من مازن المصري منتجع عرابى

منتدى قرية النصارية ابشواى الفيوم يناشد اهالى النصارية باتصويت لحزب الوسط حزب مدنى مرجعيته الحضارة الاسلامية نعم للسلف الوسط وكذلك جعلناكم امه وسطا
هدية من مازن المصرى لكل شباب النصارية

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

لماذا نطالب بالحرية ونحن نرفضها

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 لماذا نطالب بالحرية ونحن نرفضها في الأربعاء مارس 16, 2011 2:54 pm

--------------------------------------------------------------------------------

فى البداية أحب أقول ان أغلب الشباب اللى كانو فى ميدان التحرير كانو بيطالبو بالحرية
الحرية فى كل شئ

حرية القرار حرية الرأى حرية الكلام الحرية فى كل شئ

طيب ليه نفس الشباب بيرفض الحرية

ليه بنعترض على شخص انه قال رايه بصراحة وقال انه مع النظام السابق
أعتقد ان ده رأى وكل شخص حر فى رأيه
ليه بنشبه الأشخاص انهم جواسيس وخونة
مع انى متأكد ان بعد كام سنة أغلب اللى كانو فى التحرير لو ملقوش مصلحتهم مع النظام الجديد هيتقلبو عليه

أنا مع الثورة ومع التغيير لكنى ضد القمع والتخويف
التخويف من ابداء الرأى
فمع شعاع الثورة أغلب الشخصيات كانت ضدها لكن بعد فترة قالو لاْ احنا مع الثورة

هل الأفضل الثبات على الراى اللى الشخص مقتنع بيه

ولا ركوب الموجة

أعتقد ابداء الرأى أفضل

وأرجو من كل شخص انه يحترم رأى الأخر دون قمع
واذا كنا سنقمع آراء الأخرين فلماذا ننادى بالحرية

رفعنا ناس فوق جدا لانهم كانو مع الثورة وخسفنا بناس الأرض لانهم كانو ضد الثورة
حبينا ناس بنكرههم لانهم كانو مع الثورة وكرهنا ناس بنحبهم لأنهم ضد الثورة

وفى الأخر هأسأل سؤال

لو أى شخص مننا مع الثورة وانسان عزيز عليه اوى كان ضدها هل هيسمح لنفسه أو لغيره انه يخونه أو يقول عليه جاسوس

لو انت مع الثورة ووالدك او والدتك او صديقك او أختك أو أخوك ضد الثورة هل ممكن تكرهه وتقطع علاقتك بيه ؟

وأسئلة كتيرررر جدا

أرجو ان نفكر بتروى

نعم للثورة
لكن أيضا

نعم للحرية
حرية الرأى
الرأى اللى بيحسس الانسان انه لسة عايش وممكن يتكلم من غير خوف

أرجو الفكرة تكون وصلت

فيه كمان نقطة عاوز اتكلم فيها

شباب كتير لم يتعدى سنهم 16 أو اقل نسمعهم كل يوم بيقولو عايشين بقالنا اكتر من 30 سنة فى ذل ومهانة وغيره
نفسى أعرف اذا كان عمره كله 16 سنة منهم على الاقل 5 سنين طفولة لا يستطيع التفريق فيهم ما بين الأحوال الجيدة والسيئة
فكيف عاش 30 سنة فى ذل ومهانة ؟
أرجو من كل شخص عندما يتحدث أن يعى ما يقول جيدا ولا يتحدث بما يسمع فقط

وعذرا للاطالة

.................

_________________
نامى بصدرى أنت أروع طفلة
نامى بصدرى وارصدى احلامى
فى كل حلم تسكنين حبيبتى
فى كل حرف انتى فى ايامى
فى كل نبض فى فؤادى فاسكنى
فى نن عينى فى نخاع عظامى
هيا ارقبينى حين اكتب منيتى
حتى ترى ما سر الهامى ؟
لو أننى أفنى ولا يبقى لى اثر
سيفوح عطرك من حطام حطامى


** ما انا الا عابر سبيل اليوم معكم وغدا سارحل **







معاينة صفحة البيانات الشخصي للعضو http://neser.forumegypt.net

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى